"Бақытыңды балаңнан ізде" дөңгелек үстел

«Отан отбасынан басталады» демекші ата-аналар мен ұстаздар қауымы үшін жас ұрпақ тәрбиелеп, оны қоғам мүддесіне жарату кезек күттірмейтін мәселе. Осы мәселеге ата-аналар мен ұстаздар боп атсалыссақ, алар асуымыздың биік болары сөзсіз. Осы мақсатта 10 ҚГБ сынып жетекшісі Серік Данна, 2-сынып жетекшісі Ажибиева Рима, 8-сынып жетекшісі Оспанбаева Гүлзаттың ұйымдастыруымен  05.12.2022 ж күні «Бақытыңды балаңнан ізде» тақырыбында ата-аналармен дөңгелек үстел өтті. Мақсаты : Ата-ана мен бала арасындағы сенімді сыйластықты, бір-біріне деген сезімді нығайту, бала тәрбиесінің алғашқы алтын қазығы туған ұясы, өз отбасындағы ата-ана тәрбиесі, өнегесі және  баланың бас ұстазы ата-ана екенін түсіндіру. 

           2-сынып жетекшісі Ажибиева Рима Тоқбазарқызы «Біз баламызды танимыз ба?» тақырыбында тренинг жүргізді.  Ата-аналар дөңгелене тұрып, мұғалім қойған сұрақтарға жауап бере отырып, балаларын қаншалықты білетіндіктері анықталды. 

           10 ҚГБ – сынып жетекшісі Серік Данна Серікқызы   ата-аналармен «Пікір алмасу сұрақтары» бойынша сұрақтар қойылып, ата-аналардың пікірлері тыңдалды. Айтылған пікірлер бойынша ата-аналарға «7-қателік» туралы кеңестер айтылды. 

8-сынып жетекшісі Оспанбаева Гүлзат Айдарқызы «Біздің балалар» тақырыбында бейне үзінді көрсетіп, ата-аналардың пікірлері талқыланды.

          «Отбасылық құндылық ағашы» тақырыбында шығармашылық жұмыс ұйымдастырылды. Ол жерде ата-аналар берілген отбасылық құндылықтарды ағаштың тамырына, діңіне, бұтақтарына орналастырып, өз ойларың еркін жеткізе білді. 

«Жазалау» ойыны ойнатылды. Дөңгелек соңында «Бес саусақ» әдісі арқылы рефлексия алынды.