12
май
2022
"Ал, қанеки, жігіттер!" сайысы
Мектебімізде 05.05.2022ж күні Алғашқы әскери дайындық пәнінің жетекшісі Мейірманов Талдыбай Таңқайұлының жетекшілігімен «7 мамыр – Отан қорғаушылар күні» мерекесіне орай 8-11 сынып ұлдары арасында «Ал, қанеки, жігіттер!» сайысы өтті. Мақсаты : Болашаққа сеніммен қадам басқан халқымыздың салт-дәстүрі, әдет-ғұрпы, жөн-жоралғыларын оқушылардың бойына сіңіру, батыл, намысты ұлдарды тәрбиелеу. Сайыс барысында әр сыныптың жігіттері спорттық жаттығулар арқылы күштерін сынады. Бағдарлама бойынша әр сынып өздерін таныстырып өтті.
«Турникке тартылу» сайысы бойынша 11-сынып «Батырлар» тобының жігіттері 88 ұпай санымен өздерінің мықты екендерін көрсете білді.
«Кеудені еденнен көтеру» сайысы бойынша 9-сынып «Жалын» тобының жігіттері 141 ұпай санымен өздерінің мықтылықтарын көрсете білді.
«Эстафеталық ойын» сайысы бойынша 9-сынып «Жалын» тобының жігіттері 12,09 секундта тапсырманы орындап, өздерінің шапшаңдықтарын көрсете білді.
«Арқан тартыс» сайысы бойынша 11-сынып «Батырлар» тобының жігіттері өздерінің күштерін көрсете білді.
«Кім мерген?», «Кім жүйрік? сайыстары бойынша 11-сынып «Батырлар» тобының жігіттері өздерінің мерген, жүйрік екендерін көрсете білді. Сайыс қорытындысы бойынша І орынды 11-сынып «Батырлар» тобы, ІІ орынды 9-сынып «Жалын» тобы, ІІІ орынды 10-сынып «Алаш ұлдары», 8-сынып «Тұлпар» топтары жеңіп алды. Оқушыларды педагог-ұйымдастырушы Азимбаева М,О мен технология пәнінің мұғалімі Балабай Т.Б марапаттады. 